Qazaqstandyq boksshy Bobırjan Momınov Argentınada salmaq ólsheýden ótti
ASTANA. QazAqparat - Qazaqstandyq boksshy Bobırjan Momınov (5-0, 4KO) Býenos-Aıreste jekpe-jektiń aldyndaǵy salmaq ólsheýden ótti, dep habarlaıdy «SPORTINFORM» SAA.
Momınov jergilikti boksshy Hose Ignasıo Balsedomen (1-0) judyryqtasady. Sportshylar jartylaı orta salmaq (66,678 kelige deıin) lımıtinen asqan joq. Aıqastyń formýlasy - úsh mınýttan alty raýnd.
Osy boks keshinde qazaqstandyq bylǵary qolǵap sheberi Arman Rysbek te kúsh synaýy tıis bolǵan. Alaıda, qarsylasynyń bas tartýyna baılanysty jekpe-jek bolmaıtyn boldy.
Býenos-Aıreste kásipqoı boks keshi Astana ýaqytymen 7 sáýir kúni tańerteń ótedi.
