Qazaqstandyq boksshy Bekman Soılybaevtyń kelesi jekpe-jegi 27 tamyzda ótedi
ASTANA. QazAqparat - 25 jastaǵy qazaqstandyq boksshy Bekman Soılybaevtyń kelesi jekpe-jegi 27 tamyzda Kalıfornııada (AQSh) ótedi. Ázirge onyń bul saıystaǵy qarsylasy atalmady, dep habarlanǵan Vkontakte jelisindegi Qazaqstan kásibı boksy paraqshasynda.
Eske salaıyq, B.Soılybaev Kalıfornııa shtatyndaǵy Chıno qalasynda 2 tamyzda ótken jekpe-jekte meksıkalyq Serhıo Naherdi kezdesýdiń nebári 38-shi sekýndynda-aq sulatqan bolatyn.
12 tamyzda Bekman Soılybaev 25 jasqa toldy. Ol 2014 jylǵy tamyzdan beri kásibı boksta óner kórsetip júr.
