Qazaqstandyq boksshy Anglııadaǵy boks keshiniń hedlaıneri bolmaq

NUR-SULTAN. QazAqparat – Qazaqstandyq boksshy Tursynbaı Qulahmet (1-0, 1 KO) Ońtústik Krıkbıdegi (Anglııa) shoýdyń hedlaıneri bolady, dep habarlaıdy QazAqparat Sports.kz saıtyna silteme jasap.

MTK Global promoýter kompanııasy qazaqstandyq boksshynyń Anglııa sportshysy Makoleı Makgoýenmen (14-0-1, 3 KO) jekpe-jegin keshtiń basty oqıǵasy bolatyndyǵyn rastady. Qulahmet pen Makgoýen birinshi orta salmaqta WBC International chempıony bos tıtýly úshin judyryqtasady.

Eske sala keteıik, Tursynbaı Qulahmet kásibı rıngtegi debıýtin 23 tamyzda ótkizgen bolatyn. Ol qazaqstandyq Saǵadat Rahmanqulovpen (6-2, 4 KO) aıqasyp, ony tórtinshi raýndta ýaqytynan buryn jeńgen bolatyn.

Osylaısha 26 jastaǵy qazaqstandyq óziniń ekinshi jekpe-jeginde chempıondyq belbeý úshin judyryqtasady.