Qazaqstandyq boksshy álem chempıony ataǵy úshin jeńilip kórmegen meksıkalyqpen judyryqtasady
ALMATY. QazAqparat – 25 naýryzda Almatyda MTK Qazaqstan promoýterlik kompanııasynyń uıymdastyrýymen boks keshi ótedi, onda qazaqstandyq boksshy Raı Seıitjanov (9-0, 6 KO) kúsh synasady.
Bul týraly QazAqparat Sports.kz saıtyna silteme jasap habarlaıdy.
Uıymdastyrýshylardyń baspasóz qyzmetinen habarlanǵandaı, Seıitjanovtyń qarsylasy jeńilmegen meksıkalyq Hose Makıas Enrıkes (15-0, 7 KO) bolady. Olar jartylaı orta salmaqta jasóspirimder arasyndaǵy WBO chempıondyq tıtýlyna talasady.
Eske salaıyq, shoýdyń basty jekpe-jegi Qamshybek Qońqabaev (4-0, 3 KO) pen ońtústikafrıkalyq Djonnı Mıýller (23-2, 14 KO) arasyndaǵy kezdesý bolmaq. Qarsylastar qazaqstandyqqa tıesili birinshi aýyr salmaqta WBA Gold beldigi úshin judyryqtasady.
