Qazaqstandyq boksshy álem chempıonatynda altyn medal ıelendi

ASTANA. QazAqparat - Býdapeshtte (Majarstan) jastar arasyndaǵy álem chempıonatynyń aqtyq kezdesýleri ótip jatyr, dep habarlaıdy QazAqparat tilshisi Sports.kz aqparat kózine silteme jasap.

Qazaqstandyqtardyń ishinde birinshi bolyp rıngke Nurbek Oralbaı shyqty. 75 kelige deıingi salmaq kategorııasynda ol reseılik Danıl Teterevpen kezdesip, tóreshiler bir aýyzdan jeńisti otandasymyzǵa berdi. Bul - atalǵan týrnırdegi Qazaqstannyń birinshi medali.

Nurbekpen birge búgin rıngte 91 kelige deıingi salmaqta Aıbek Oralbaı (91 keli) óner kórsetedi. Onyń qarsylasy da reseılik (Igor Fedorov). Al qyzdar arasynda 54 kelige deıingi salmaqta Aızada Іslámǵalı amerıkalyq boksshy Aıana Verdýskomen qolǵap túıistirse, taǵy bir boksshymyz Gúzál Sadyqova (81 keli) reseılik Anastasııa Rybakovamen kúsh synasady.

Vengrııada ótip jatqan jastar arasyndaǵy álem chempıonaty 1 qyrkúıekke deıin jalǵasady.