Qazaqstandyq boksshy AQSh-ta nokaýtpen jeńilip qaldy

NUR-SULTAN. QazAqparat - 28 jastaǵy Ashat Ýálıhanov kásibı bokstaǵy kezekti jekpe-jegin ótkizdi.

AQSh-tyń Fıladelfııa qalasynda ótken boks keshinde qazaqstandyq boksshy Pýerto-Rıkodan kelgen Hose Lopeske qarsy judyryqtasty. Al negizgi jekpe-jekte Aleksandr Gvozdık pen Dýdý Ngýmbý kezdesken bolatyn, dep habarlaıdy QazAqparat tilshisi.

Jartylaı orta salmaq dárejesi boıynsha ótken jekpe-jekte A.Ýálıhanov baryn salyp, ózinen bir jas kishi qarsylasynan aılasyn asyrýǵa tyrysty. Biraq altynshy raýndta bastan jáne búıirinen qatty soqqy alyp qaldy. Sodan jetinshi raýndqa shyqpaýǵa sheshim qabyldady. Osymen, Ashat Ýálıhanov alty jekpe-jekte ekinshi ret utylyp otyr. Al Hose Lopes 12-shi jeńisine qol jetkizdi.

Aıta ketken jón, A.Ýálıhanov Top Rank promoýterlik kompanııasymen jumys isteıdi.