Qazaqstandyq boksshy AQSh-ta kezekti kezdesýin ótkizedi
ASTANA. QazAqparat - Qazaqstandyq boksshy Madııar Áshkeev (9-0, 5 KO) 4 tamyz kúni Atlantık Sıtıde (AQSh, Nıý-Djersı) kezekti kezdesýin ótkizedi, dep habarlaıdy Sports.kz.
Jeńilip kórmegen boksshynyń birinshi orta salmaqtaǵy kezdesýi segiz raýnd formatynda ótedi. Onyń qarsylasy ázirge anyqtalǵan joq.
Eske sala keteıik, Hard Rock Hotel & Casino arenasynda ótetin boks keshiniń basty oqıǵasy reseılik Sergeı Kovalev (32-2-1, 28 KO) pen kolýmbııalyq Eleıder Alvares (23-0, 11 KO) jekpe-jegi bolmaq.
Aıta keteıik, Egıs Klımas Madııar Áshkeevten (9-0, 5 KO) basqa, Qanat Islam (25-0, 20 KO), Meıirim Nursultanov (6-0, 5 KO), Saǵadat Rahmanqulov (2-0, 1 KO) jáne Ashat Ýálıhanovtardyń (2-1, 2 KO) da promoýteri.
