Qazaqstandyq boksshy AQSh-ta esh jeńilip kórmegen meksıkalyqty súrindirdi
NUR-SULTAN. QazAqparat – Qazaqstandyq boksshy Nıkolaı Shvab (5-0, 3 KO) kásibı rıngte óziniń altynshy jekpe-jegin ótkizdi, dep habarlaıdy QazAqparat Sports.kz-ke silteme jasap.
Ol Medıledegi (AQSh, Florıda shtaty) boks keshinde óner kórsetti. Shvabtyń qarsylasy «ıAgýar» atymen tanylǵan meksıkalyq Karlos Hımenes (1-0-1, 0 KO) boldy. Jeńil salmaqtaǵy aıqas alty raýndqa eseptelgen. Jekpe-jek tóreshilerdiń biraýyzdan sheshimimen qazaqstandyqtyń jeńisimen aıaqtaldy.
Osylaısha Nıkolaı Shvab kásibı mansabyndaǵy altynshy jeńisine qol jetkizdi. Al Karlos Hımenes kásibı karerasynda alǵash ret súrindi.
Aıta keteıik, shvab sońǵy ret 2020 jyldyń tamyz aıynda óner kórsetken bolatyn. Ol kezde ol brazılııalyq Marselo Ýılıamsty (0-9) tóreshilerdiń biraýyzdan qabyldaǵan sheshimimen jeńgen edi.
