Qazaqstandyq boksshy AQSh-ta chempıondyq tıtýlǵa ıe boldy
ASTANA. QazAqparat - 23 jastaǵy qazaqstandyq boksshy Musa Tursynǵalıev (6-0, 5 KO) tájirıbeli domınıkandyq Lýıs Inohosany (31-13, 18 KO) jeńdi, dep habarlaıdy Sports.kz.
Gollıvýdtaǵy (AQSh, Florıda shtaty) Seminole Hard Rock Hotel arenasynda ótken on raýndtyq jekpe-jekte Tursynǵalıev jeńiske jetti. Osylaısha, Musa bos turǵan jartylaı jeńil salmaqtaǵy «jastar» IBF chempıon belbeýi men WBA NABA tıtýlyn jeńip aldy.
Endi qazaqstandyqtyń resmı rekordy - 7-0, alaıda keıin BoxRec.com saıty ony Meksıkadaǵy birneshe tabysty aıqastarmen tolyqtyrýy múmkin. Qazaqstandyqtan jeńilip qalǵan Inohosa kásibı jekpe-jekte 14-shi ret jeńilip qaldy.
Aıta ketsek, Tursynǵalıev byltyr qarashada kásipqoı rıngke shyǵyp, 27 kúnniń ishinde segiz ret jekpe-jek ótkizip, meksıkalyq boksshylardy jeńip úlgerdi.
