Qazaqstandyq boksshy Abylaıhan Júsipov AQSh-ta nıkaragýalyq qarsylasyn nokaýtqa jiberdi

ASTANA. QazAqparat - Qazaqstandyq boksshy Abylaıhan Júsipov (3-0, 2 KO) Talsta (SShA, shtat Oklahoma) ótken boks keshinde óner kórsetti, dep habarlaıdy QazAqparat Sports.kz saıtyna silteme jasap.

Abylaıhan bul keshte nıkaragýalyq Ýıston Kamposqa (33-11-6, 19 KO) qarsy shyqty. Jekpe-jek jartylaı orta salmaqta ótip, 8 raýndqa eseptelgen bolatyn. Kezdesýdiń 5-shi raýndynda qazaqstandyq qarsylasyn tehnıkalyq nokaýtpen jeńdi.

Abylaıhan Júsipov osylaısha, óziniń kásibı mansabynda 4-shi ret jeńiske jetti, al Ýınston Kampos kásibı rıngte 12-shi ret jeńildi.

Áýesqoı boksta Abylaıhan álem chmpıonatynyń úsh márte (2017, 2019, 2021) kúmis júldegeri atanǵan bolatyn. Sondaı-aq ol 2017 jylǵy Azııa chempıonatynyń kúmis júldegeri.