Qazaqstandyq boksshy Abylaı Qusaıynov - 140 gradýsta krıtoterapııa qabyldady
ASTANA. QazAqparat - Qazaqstandyq kásibı boksshy Abylaıhan Qusaıynov (4-0, 4KO) -140 gradýstyq temperatýrada krıtoterapııa qabyldady. Krıtoterapııa - qazirgi zamanǵy sporttyq medıtsınadaǵy ınnovatsııalyq tásilderdiń biri, dep habarlaıdy Sports.kz.
Fýnktsıonaldyq zertteýlerdiń málimetteri boıynsha, krıosaýnany 15-25 ret qabyldaǵan adamnyń tózimdilik qabileti artady. Krıtoterapııa sporttyq múmkindikterińdi, kúsh-qýatyńdy joǵaltyp almaýǵa yqpal etedi. Dene jaraqattary jedel saýyǵyp, kúsh-qýat boıǵa qaıta oralady. Aýyratyn jerler tez qaıtady.
25 jasar Qusaıynov 28 qańtarda Kanadada meksıkalyq boksshy Oskar Meııamen (8-1-1, 3KO) 6 raýndtyq reıtıngtik jekpe-jek ótkizedi.
