Qazaqstandyq boksshy 35 ret jeńiske jetken qarsylasynan basym tústi

NUR-SULTAN. QazAqparat – Qazaqstandyq boksshy Rýslan Mádıev (12-1, 5 KO) Gennadıı Golovkınniń promoýterlik kompanııasynan ketip qalǵannan keıin óziniń alǵashqy jekpe-jegin ótkizdi, dep habarlaıdy QazAqparat Sports.kz-ke silteme jasap.

Fılıppındik Rıkı Sısmýndoǵa (35-13-3, 17 KO) qarsy aıqas Mádıev úshin Golden Boy Promotions promoýterlik kompanııasyndaǵy birinshi jekpe-jegi boldy.

Aıta keteıik, bul promoýterlik kompanııanyń basty juldyzy Saýl Alvares sanalady. AQSh-tyń Karson qalasynda (Nevada shtaty) ótken birinshi jartylaı orta salmaq dárejesindegi kezdesý segiz raýndqa sozylýy tıis edi. Jekpe-jek tóreshilerdiń biraýyzdan sheshimimen Mádıevtiń jeńisimen aıaqtaldy.

Rýslan kásipqoı rıngtegi 13-jeńisine qol jetkizdi. Osylaısha, ol qyrkúıekte meksıkalyq Pablo Sesar Kanodan (32-7-1, 22 KO) sporttyq mansabyndaǵy alǵashqy jeńilisiniń «esesin qaıyrdy».

Sısmýndo kásipqoı alańda 14-ret jeńiliske ushyrady.