Qazaqstandyq boksshy 33 ret jeńiske jetken nokaýtshydan basym tústi

NUR-SULTAN. QazAqparat – Jeńil salmaqtaǵy qazaqstandyq boksshy Nıkolaı Shvab kásipqoı rıngte kezekti aıqasyn ótkizdi, dep habarlaıdy QazAqparat Sports.kz saıtyna silteme jasap.

Ótken demalysta Shvab Sosýadaǵy (Domınıkan Respýblıkasy) boks keshinde óner kórsetti. Onyń qarsylasy - buǵan deıin 33-3, 28 KO kórsetkishimen rekord ornatqan jergilikti boksshy Danıel Ramıres boldy. Alaıda bul jolǵy aıqas sońyna deıin jetken joq. Nıkolaı Shvab Danıel Ramıresti nokaýtpen jeńdi.

Bul Shvabtyń kásipqoı rıngtegi - segizinshi jáne merziminen buryn aıaqtalǵan tórtinshi aıqasy. Ramıres tórtinshi ret jeńildi.

Nıkolaı Shvab buǵan deıingi aıqasyn ótken jyly 9 shildede ótkizip, tóreshilerdiń biraýyzdy sheshimimen amerıkalyq Rondeıl Hýbbertti (14-23-3, 8 KO) Maıamıde (AQSh) jeńgen bolatyn.