Qazaqstandyq bıznesmender ónimderin Tájikstanǵa eksporttaıdy

ASTANA. QazAqparat - Dýshanbe qalasynda Qazaqstan eksport ónimderi saýda-ekonomıkalyq mıssııasynyń qorytyndylary boıynsha jalpy somasy 18,8 mln dollardy quraıtyn úsh kelisimge qol qoıyldy. Bul týraly QazAqparat elimizdiń Syrtqy saýda palatasyna silteme jasap habarlaıdy.

Mıssııany Qazaqstan Syrtqy saýda palatasy Tájikstan Respýblıkasynyń Saýda-ónerkásip palatasymen, Qazaqstan Respýblıkasynyń Tájikstandaǵy elshiligimen yntymaqtastyqta uıymdastyrdy. Qazaqstan delegatsııasynyń quramyna mashınajasaý, qurylys, azyq-túlik salasyndaǵy 20 iri taýar óndirýshi kirdi. Tájikstan tarapynan kólik, ekonomıkalyq damý, qarjy, ónerkásip, energetıka jáne densaýlyq saqtaý mınıstrlikteriniń ókilderi boldy. Bıznes ókilderinen lızıngtik jáne jeke kólik kompanııalary, birqatar saýda jelileri, basqa da tájikstandyq fırmalar qatysty. Mıssııa barysynda «SaryarqaAvtoProm» JShS-tiń «JAC» markaly 50 mashınasyn jetkizý, sondaı-aq «Holdıng Azııa Grýpp Tájikstan» JAQ holdıngine «JAC» markaly avtomobılderdiń barlyq túrine Tájikstan aýmaǵynda dıllerlik jasaý ókiletterin berý týraly kelisimge qol qoıyldy.

«Hyundai Com Trans Kazakhstan» jalpy somasy 18 mln AQSh dollary boaltyn «Hyundai» markaly tehnıkalardy ótkizdi. Al  «Mega SMART» JShS Tájikstanǵa jıhaz jetkizý boıynsha 300 myń dollardyq kelimishartyna qol qoıdy.

«Aqtóbe rels-arqalyq zaýyty» AQ pen «Tájikstan temirjoldary» MÝK arasyndaǵy kelissózder de tabysty boldy. Taraptar ústimizdegi jyly 6 tonna rels jetkizýge kelisti.

«Jas-Qanat 2006», «Tsesna-Astyq kontserni», «Novo-Aldjanskıı melkombınat», «DUMAN», «Higer Quazar», «Tıkkýrıla» kompanııalarynyń ókilderi Tájikstannyń Ashan» jáne «Paıkar» iri saýda jelilerine bardy.

Saýda-ekonomıkalyq mıssııa 12 tamyzǵa deıin jalǵasty. Mıssııa aıasynda «Tájikstan-2018» halyqaralyq kórmesi uıymdastyrylyp, onda Qazaqstanda shyǵarylǵan «JAC» avtomobılderi, sonyń ishinde Keden odaǵynyń aýmaǵynda jasalǵan alǵashqy JACiEV7S elektromobıli, «Iveco» kommertsııalyq tehnıkasy kórsetildi.