Qazaqstandyq bıznesmender kedendik baj salyǵyn tóleý merzimin keıinge shegerý múmkindigin alady
Zań jobasyn tanystyrǵan QR Ulttyq ekonomıka vıtse-mınıstri Aıbatyr Jumaǵulovtyń atap ótýinshe, Keden kodeksi jobasynyń qurylymy kedendik operatsııalardy jedeldetý úshin jasalǵan.
«Keden zańnamasynyń qosymshalaryna toqtalǵym keledi. Bul kedendik retteýge túbegeıli jańa tásil - kedendegi bıznes protsessterdi avtomattandyrý. Elektrondy deklaratsııalaý engiziledi. Qaǵaz túrindegi dekalartsııa tek jekelegen jaǵdaılarda máselen, tehnıkalyq irkilis barysynda ǵana qalady. «Bir tereze» tetigi qarastyrylǵan. Keden organdary deklaratsııa tapsyrýshydan qujattardy memlekettik organdardyń aqparattyq júıesin suraý salýǵa múmkindikteri bolǵanda suramaıdy», - dedi ol.
Onyń aıtýynsha, atalǵan eki qaǵıdany júzege asyrý taýarlardy avtomatty túrde shyǵarýǵa múmkindik beretin bolady.
«Aqparattyq tehnologııalarǵa basymdyq berýden bólek, syrtqy ekonomıkalyq qyzmetke qatysýshylarǵa ózderiniń shyǵystaryn ońtaılandyrýǵa jol ashatyn jasaıtyn birqatar múmkinshilikter paıda bolady. Máselen, kedendik baj salyǵy boıynsha tólem jasaý merzimin keıinge shegere alady. Memleket deklarantqa paıyzdar tóleý arqyly bir aı merzimin keıinge shegerý múmkindigin qoldaný quqyǵyn beredi», - dedi Aıbatyr Jumaǵulov.
Onyń sózine qaraǵanda, jekelegen jaǵdaılarda paıyzsyz 6 aıǵa deıin tólem merzimin keıinge shegerýge bolady. Máselen, halyqaralyq kelisimsharttar aıasynda aýyl sharýashylyǵy tehnıkalaryn, egistik materıaldaryn, asyl tuqymdy maldardy ákelgende, tabıǵı apat, tehnologııalyq apat kezinde tóleýshige shyǵyn kelgen jaǵdaıda baj salyǵyn tóleý merzimi 6 aıǵa deıin keıinge qaldyrylady.
