Qazaqstandyq bitimgershiler «Myzǵymas baýyrlastyq - 2016» oqý-jattyǵýynda ózara is-qımyldy nyǵaıtýda
Oqý-jattyǵýǵa Qazaqstandyq bitimgershilik brıgadasynyń áskerı qyzmetshileri, sondaı-aq, QR ІІM Ulttyq ulanynyń ókilderi attandy, dep habarlaıdy QR Qorǵanys mınıstrliginiń baspasóz qyzmeti.
«Myzǵymas baýyrlastyq» - bul UQShU bitimgershilik kontıngentteriniń josparly birlesken oqý-jattyǵýy. Ol jyl saıyn ótedi. Budan buryn bitimgershiler Armenııa, Qazaqstan, Qyrǵyzstan jáne Reseı Federatsııasynyń aýmaǵynda kóp ultty kontıngenttiń quramynda tapsyrmalardy oryndaǵan bolatyn. Bıylǵy jyly oqý-jattyǵýdyń negizgi maqsattary beıbitshilikti ustap turý jáne UQShU Ujymdyq bitimgershilik kúshteriniń bólimderin (bólimshelerin) basqarý, birlesken is-qımyldar kezinde bitimgershilik kontıngentter jeke quramynyń dalalyq mashyǵyn jetildirý, sondaı-aq, UQShU múshe memleketteri arasynda ózara qarym-qatynas pen yntymaqtastyqty nyǵaıtý jónindegi operatsııalardy uıymdastyrýda komandırlerdiń praktıka alýy bolyp tabylady.
Keshe oqý-jattyǵýdyń saltanatty ashylý rásimi ótti. UQShU-nyń Ujymdyq bitimgershilik kúshterin qurý jáne ornalastyrý aıaqtalyp ta qoıyldy. Polıgonda bólimshelerdiń jaýyngerlik úılesýi ótkizilip, sondaı-aq, basqarý pýnktteri óristetildi. Odan basqa, oqý-jattyǵýǵa qatysýshylar áskerı tehnıka kórmesine bardy. Onda áskerı qyzmetshiler olardyń armııasynyń jaraqtandyrýynda turǵan úlgilerdi salystyrýǵa múmkindik aldy. Oqý-jattyǵýǵa Armenııa, Belarýs, Qazaqstan, Qyrǵyzstan, Reseı jáne Tájikstannyń ulttyq kontıngentteri qatysatynyn aıta keteıik. Barlyǵy UQShU-nyń barlyq alty múshe memleketteriniń qarýly kúshter, ishki áskerler men polıtsııanyń quramynan 1500 áskerı qyzmetshi, sondaı-aq, 300-ge jýyq birlik avıatsııalyq, brondy tankti jáne avtomobıldi tehnıka qatysty.
