Qazaqstandyq bitimgershi Batys Saharada əskerı mindetin ótep keldi

ASTANA. QazAqparat- QR Qarýly kúshteriniń əskerı qyzmetkeri, podpolkovnık Erlan Jortanov Batys Saharada bitimgershilik mıssııasyn ótep keldi, dep habarlaıdy QazAqparat tilshisi QR Qorǵanys mınıstrligine silteme jasap.

«Qazaqstannyń beıbitshilik pen qaýipsizdikke jaýapty múshe retindegi halyqaralyq mindetine səıkes, BUU-nyń bitimgershilik mıssııasy aıasynda podpolkovnık Erlan Jortanov Batys Saharada əskerı baqylaýshy mindetin ótep keldi», - delingen mınıstrlik habarlamasynda.

BUU-nyń beıbitshilik pen qaýipsizdik qoldaý maqsatynda 30-dan astam eldiń áskerı ókilderi bitimgershilik mıssııasyn ótedi.

E.Jortanov berilgen tapsyrmany tabysty oryndaǵany jáne jeke qosqan úlesi úshin BUU-nyń mıssııa basshylyǵynyń alǵys hatymen marapattaldy.

Aıta ketsek, bıyl Elbasy BUU-nyń mıssııalaryna Qazaqstannyń 40 áskerı qyzmetshilerin jiberý týraly usynysyn jarııa etken bolatyn. Memleket basshysynyń dereginshe, Batys Saharada Qazaqstannyń 5  áskerı qyzmetshisi qyzmet atqarýda. Kóptegen qazaqstandyq ofıtserler bitimgershilikke qosqan úlesi úshin medaldarmen nagradtaldy jáne mıssııalardan alǵys aldy. Sondaı-aq Saharada BUU-nyń mıssııasynda basshylyq laýazymdarǵa taǵaıyndalǵan qazaqstandyqtar da bar.

Odan bólek, osy jyldyń qazan aıynda qazaqstandyq 120 áskerı qyzmetshi BUU-nyń ýaqytsha kúshteri mıssııasyna qatysý úshin Lıvan Respýblıkasyna keldi. Bul QR Qarýly Kúshteriniń tarıhynda alǵash ret bitimgerlik kontıngenti Lıvandaǵy beıbitshilik pen qaýipsizdikti saqtaý jónindegi BUU-nyń mıssııasyna qatysýda ekenin aıta ketken jón.