Qazaqstandyq bitimgerlik batalonnyń BUU operatsııalaryn júrgizýde tájirıbelik daǵdysyn arttyrý sharasy bastalady
«Erteń Almaty oblysyndaǵy «Іle» polıgonyna AQSh pen Ulybrıtanııa áskerı qyzmetshileriniń aldyńǵy toptary kele bastaıdy. «Dala qyrany - 2015» oqý-jattyǵýy eki kezeńde, ıaǵnı aǵymdaǵy jyldyń sáýir jáne maýsym aılarynda ótkiziletin bolady. Birinshi kezeń barysynda Ulybrıtanııa áskerı qyzmetshileri Qazbat 1 bólimshesimen rotalyq deńgeıde beıbitshilikti jáne halyqaralyq úılesimdilikti qoldaý boıynsha is-qımyldy oryndaý múmkindikterin arttyrý úshin taktıkalyq jattyǵýlar ótkizbek»,- delingen QR Qorǵanys mınıstrligi baspasóz qyzmetiniń málimetinde.
Atap aıtqanda, oqý-jattyǵýdyń birinshi aptasynda bólimshe taktıkalyq mindetterdi oryndaýdy úırenetin bolady, al ekinshi aptada erkin taktıkalyq jaǵdaıǵa sáıkes dalalyq oqý-jattyǵý ótkiziledi. Sonymen birge AQSh ókilderi Qazbat jáne Qazbrıg shtabtaryn áskerı sheshim qabyldaý resimderin oqytyp, jetildiretin bolady. Birinshi aptada Qazbrıg joǵarǵy basshylyqtan ІІ kezeńge jaýyngerlik ókim alyp, áskerı sheshim qabyldaý úderisin júrgizedi. Ekinshi aptada Qazbat 1 men 2 Qazbrıgten alynǵan jaýyngerlik ókim negizinde áskerı sheshim qabyldaý úderisin júrgizedi.
«Іs-sharanyń basty maqsaty Qazaqstandyq bitimgershilik brıgadasy shtaby men Qazaqstandyq bitimgerlik batalonnyń BUU bitimgershilik operatsııalaryn júrgizý barysyndaǵy praktıkalyq daǵdysyn, sondaı-aq qarsylas taraptar arasyndaǵy janjal jaǵdaıynda bitimgershilik is-qımyldardy oryndaý kezinde bólimshelerdiń jaýyngerlik úılesimdiligin arttyrý bolyp tabylady»,-delingen vedomstvo málimetinde.
