Qazaqstandyq bitimgerler Lıvandaǵy mıssııaǵa daıarlanyp jatyr

NUR-SULTAN. QazAqparat - Qazaqstandyq bitimgershilik polkiniń oqý-jattyǵý ortalyǵynyń bazasynda besinshi rotatsııa áskerı qyzmetshilerin Lıvan Respýblıkasyndaǵy mıssııaǵa daıarlaý júrgizilýde, dep habarlaıdy QR QM baspasóz qyzmeti.

Halyqaralyq Qyzyl Krest komıtetiniń Qazaqstan Respýblıkasyndaǵy ókildigi Qazaqstannyń bitimgershilik kontıngentin BUU-nyń bitimgershilik operatsııalaryna qatysýǵa daıarlaý sheńberinde áskerı qyzmetshilermen kezekti trenıng ótkizdi.

Eki kún boıy 25 áskerı qyzmetshi halyqaralyq gýmanıtarlyq quqyq máseleleri boıynsha oqyp, bitimgershilik operatsııalary kezinde soǵys júrgizý qaǵıdalarynyń qoldaný erekshelikterin talqylady, sondaı-aq is júzinde mysaldar keltirdi.

«Búgingi alǵan bilim qarýly qaqtyǵys jaǵdaılarynda halyqaralyq gýmanıtarlyq quqyq normalaryn qoldanýda qazaqstandyq áskerı qyzmetshilerdiń áleýetin nyǵaıtýǵa qyzmet etedi dep úmittenemiz», – dep atap ótti Qazaqstan Respýblıkasyndaǵy HQKK mıssııasynyń basshysy Mádına Bákıeva.

Іs-shara Halyqaralyq Qyzyl Krest komıteti men Qorǵanys mınıstrligi arasyndaǵy yntymaqtastyqtyń jyldyq josparyn iske asyrý aıasynda ótti.

Esterińizge sala keteıik, qazirgi ýaqytta Lıvan Respýblıkasynda tórtinshi bitimgershilik rota bar, onyń mıssııasy osy jyly naýryz aıynda aıaqtalady.