Qazaqstandyq bıshiler halyqaralyq festıvaldan júldemen oraldy
ASTANA. QazAqparat - Qazaqstandyq bıshiler Bolgarııada ótken halyqaralyq bı festıvalinen júldemen oraldy, dep habarlaıdy QazAqparat tilshisi.
Astanalyq «Nomad» bı ansambli Bolgarııada ótken «Rozy Obzory» halyqaralyq bı festıval-konkýrsynda І dárejeli marapatqa ıe boldy.
Atalǵan konkýrsta quramy 40 jasóspirimnen turatyn bı ujymy 8 halyq bıin oryndap shyqty.
Jeńimpazdardy Astana áýejaıynan bıshilerdiń jaqyn týystary men dostary qoshemetpen qarsy aldy.
Bıylǵy «Rozy Obzory» halyqaralyq bı festıvaline Qazaqstan, Ózbekstan, Reseı, Bolgarııa, Ýkraına, Ońtústik Osetııa jáne taǵy basqa elderden bıshiler qatysty. Gran-prıdi Reseı bıshileri jeńip aldy.
«Bıyl Gran-prı Reseı qatysýshylaryna buıyrdy, bul bizdi jigerlendirdi, sebebi kelesi jyly daıyndyqty kúsheıtip, eńbektenip bas júldeni qoldan bermeýge tyrysamyz. Budan bólek «Nomad» bı ansambli Qazaqstannyń Bolgarııadaǵy dıplomatııalyq elshiliginiń arnaıy marapatyna ıe boldy, bul biz úshin úlken qurmet, onyń ústine elshi ózi kelip bı ujymymen júzdesti», - dedi «Nomad» bı ansambliniń jetekshisi Aınagúl Nurǵazına.
Aıta keteıik, «Rozy Obzory» halyqaralyq bı festıval-konkýrsy Bolgarııada Qazaqstan men Reseıdiń Bolgarııa respýblıkasyndaǵy elshilikteriniń qoldaýymen uıymdastyryldy.
