Qazaqstandyq bıshiler Beıjińdegi álem chempıonatynda sátti óner kórsetti
BEIJІŃ. QazAqparat - Beıjińde ótken sporttyq bal bıleri boıynsha 2016 jylǵy álem chempıonatynda qazaqstandyq Sábına Tabylova, Kamıla Rýstamova jáne Ámir Qabazıevalar óner kórsetti, dep habarlaıdy Beıjińdegi «QazAqparat» HAA tilshisi.
Baıqaýdy Halyqaralyq sport bıleri qaýymdastyǵy (IDSA - International Dance Sport Association) uıymdastyrdy, oǵan álemniń 45 elinen 2 myńnan astam adam qatysty. Saıys eki baǵdarlama boıynsha (latynamerıkalyq jáne eýropalyq), balalar, jastar, eresekter jáne kásibı sekildi jas erekshelikteri boıynsha 11 top pen sanattarda ótti. Qazylar alqasynyń quramyna halyqaralyq dárejedegi 11 tóreshi endi.
8-9 jas sanatynda 7 jasar qazaqstandyq Sábına Tabylova «latıno solo» boıynsha 1-oryn, «vals» boıynsha 4-oryn aldy.
8-9 jas sanatynda 8 jasar Kamıla Rýstamova «vals solo» boıynsha 1-oryn, «latına solo» boıynsha 2-orynǵa ıe boldy.
Al 8 jastaǵy Ámir Qabazıeva «vals» pen «latıno» (rýmba jáne cha-cha-cha) boıynsha ekinshi orynǵa taban tiredi. 
