Qazaqstandyq birtektilikti nyǵaıtýdyń 2025 jylǵa deıingi tujyrymdamasy jasaldy - G. Ábdiqalyqova
Bul týraly búgin QR Prezıdentiniń janyndaǵy Memlekettik basqarý akademııasynda ótken xalyqaralyq konferentsııada QR Memlekettik xatshysy Gúlshara Ábdiqalyqova málim etti.
Onyń aıtýynsha, ol qujatta negizgi basymdyq jańa formattaǵy jastar saıasatyna berilmek.
«Jańa qazaqstandyq birtektilik evolıýtsııalyq prıntsıpterge negizdeledi. Ol jas býyndy tárbıeleý protsessi. Bizdiń jastar qandaı bolsa, Qazaqstan da sondaı bolmaq. Sondyqtan negizgi basymdyq jańa formattaǵy jastar saıasatyna berilmek», - dep atap ótti Memlekettik xatshy «QR etnosaralyq qatynastar salasyndaǵy memlekettik basqarý jáne jarııa saıasaty: qoǵamdyq kelisimdi nyǵaıtý úshin basqarý men azamattyq qatysý texnologııalaryn tujyrymdaý» atty konferentsııada.
Gúlshara Ábdixalyqovanyń sózinshe, qazaqstandyq birtektilik pen birlikti nyǵaıtý men damytý boıynsha ázirlengen baǵdarlamalyq tujyrymdamany negizge ala otyryp, barlyq jumysty Qazaqstan halqy Assambleıasynyń aınalasynda qurylatyn bolady.
«Bul - bolashaǵy birtutas ulttyń jol kartasy bolady. Ol birtekti jáne birlik ınstıtýty retinde tujyrymdamany oryndaýdyń basty quraly bolmaq», - dep atap ótti ol.
