Qazaqstandyq birtektilik azamattyq qaǵıdattarǵa sáıkes damıtyn bolady - E.Toǵjanov
Bul týraly búgin Ortalyq kommýnıkatsııalar qyzmetinde Qazaqstan halqy Assambleıasy Tóraǵasynyń birinshi orynbasary Eraly Toǵjanov málim etti.
Onyń sózi boıynsha, qazirgi ýaqytta el aldyndaǵy maqsattardyń biri - azamattyq sana-sezimdi qalyptastyrý. Ol negizgi tórt baǵyt boıynsha damymaq.
«Birinshiden, qazaqstandyq birtektilik azamattyq qaǵıdattar negizinde damıtyn bolady. Ekinshiden, jalpy azamattyq qundylyqtardyń ózegi «Máńgilik el» bolýy kerek. Jańa azamattyq birtektiliktiń basymdyǵy - tarıhı jetistikterdiń aınalasynda birigý. Úshinshiden, úshtuǵyrly til biz úshin óte mańyzdy. Tórtinshiden, barlyq jumystar «Máńgilik el» jańa formatsııadaǵy býyndy qalyptastyrýǵa baǵyttalady», - deıdi ol.
"Elbasynyń usynǵan «Birtektilik pen birlik» atty tórtinshi ınstıtýtsıonaldy damý reformasynyń basty maqsaty - qoǵamdyq kelisim. Munyń aldynda memleketimizde birtektiligin damytý tujyrymdamasy da qabyldanǵan bolatyn. Ol 1996 jyly Qazaqstan táýelsizdiginiń qalyptasý kezeńinde bekitilgen edi. Eń basty kózdegeni, memlekettik qurylymdy nyǵaıtý bolatyn. Konstıtýtsııa qabyldanǵannan soń 1995 jyly eń basty múddelerdiń biri - Qazaqstandy álemge moıyndatý. Barlyq damýymyzdyń, ekonomıkalyq bolsyn, áleýmettik salada bolsyn, negizgi qaǵıdaty - halyq birligi bolǵanyn aıta ketý kerek. Búginde ol maqsat oryndaldy - halyqtyń 95 paıyzy biz táýelsiz Qazaqstannyń azamattarymyz dep sanaıdy. Endi ony osy tórt baǵytta jańasha turǵyda reformalaýymyz shart», - dep atap ótti E.Toǵjanov.
