Qazaqstandyq birneshe IT startap Sılıkon alqabyna joldaý aldy
«Bıyl biz statıstıkany jańarttyq. Oǵan sáıkes, jalpy IT startaptardyń 20%-y áıelderge tıesili. Olar negizin qalaǵan nemese basqarady. Óte sapaly startaptar dep aıta alamyn. Sondaı-aq, bıyl biz «Sılıkon alqaby» baǵdarlamasyn qolǵa aldyq. Ol boıynsha otandyq úzdik jobalar Sılıkon alqabyna jiberilip jatyr», - dedi Astana Hub basqarýshy dırektory Alına Ábdirahmanova OKQ-de ótken brıfıngide.
Sonymen qatar, Astana Hub basshysy Sılıkon alqabyna jiberilgen otandyq IT startaptardy atady.
«Aıtar bolsaq, Laýra Vaıforova - SmarTestPrep startap jobasynyń avtory. Ol - Spotify nemese Netflix sııaqty paıdalanýshyǵa eń qolaıly JOO-ny jáne 50 000 JOO men stıpendııalar tizimindegi málimetter negizinde baǵdarlama usynatyn halyqaralyq emtıhandarǵa daıyndyqtyń avtomattandyrylǵan platformasy. Almıra Álı - Big Dream lab jobasynyń negizin qalaýshy. AR/VR kontentter jasaýmen aınalysady. ıAna Shoıbekova - Sitix startap jobasynyń negizin qalaýshy. Qalalyq ortada smart taqtalardy ázirleýmen jáne ornatýmen aınalysady. Olar qazir Sılıkon alqabynda biliktiligin kóterip, oqyp jatyr. Bıyl olar 10 mln AQSh dollary kóleminde tabys tapty», - deıdi ol.
