Qazaqstandyq bılıardshylar Tatarstan Prezıdenti kýbogy úshin halyqaralyq týrnırden shaqyrtý aldy
ALMATY. 6 aqpan. QazAqparat /Erlik Erjanuly/ - Qazan qalasynda 16-17 aqpan kúnderi bılıardtyń «Erkin pıramıda» túrinen Tatarstan Prezıdentiniń kýbogy úshin erler arasynda halyqaralyq týrnır bolady.
Ony «Pıramıda» boıynsha halyqaralyq komıtettiń qoldaýymen Tatarstannyń bılıard sporty federatsııasy uıymdastyryp otyr. 15 aqpanda jerebesi tartylatyn jarysqa halyqaralyq dárejedegi tóreshi Aleksandr Kokýnın bastaǵan qazylar alqasy tórelik jasaıdy. Oǵan Reseıden - 7, Qazaqstan men Ýkraınadan úsh-úshten, AQSh, Armenııa, Belorýs pen Qyrǵyzstannan bir-birden sportshy shaqyryp otyr. Bul básekede el namysyn Áýez Elýbaev, Ernar Shymbaev pen Qanybek Saǵyndyqovtar qorǵamaq.
Týrnırdiń jalpy júlde qory 50 myń AQSh dollaryn qurap otyr. Onda aqtyq synnyń jeńimpazyna - 11 500, fınalshyǵa 8500, 3-4 oryn alǵandarǵa 6 myńnan, al 5-16 oryn alǵandarǵa 1500 dollardan qarjylaı júlde beriledi. Oǵan Reseıden - Sergeı Goryslovets, Nıkıta Lıvada, Pavel Mehovov, Evgenıı Stalev, ıÝrıı Paşınskıı, Rýslan Chınahov, Ilıa Kırıchkov, Ýkraınadan Aleksandr Palamar, ıAroslav Tarnovetskıı, ıAroslav Vınokýr, Belarýsten - Evgenıı Kýrta, Qyrǵyzstannan Qanybek Saǵynbaev, Armenııadan Arman Baklachıan, AQSh-tan Djons Dıter qatyspaq.
