Qazaqstandyq bılıardshylar Álem kýbogynyń birinshi kezeńinde úzdikterdiń qataryna ilige almady
ALMATY. 8 aqpan. QazAqparat /Erlik Erjanuly/ - Reseıdiń Dondaǵy Rostov qalasynda bılıardtyń "Erkin pıramıda" túrinen Álem kýbogynyń birinshi kezeńi ótip jatyr.
Oǵan Armenııa, Ázirbaıjan, Belorýs, Qazaqstan, Qyrǵyzstan, Ózbekstan, Moldova, Reseı men Ýkraınadan 149 sportshy qatysýda. 6 aqpanda bastalǵan bul dúbirli dodada el namysyn 19 jasar sport sheberleri almatylyq Arbı Mýtsıev pen qaraǵandylyq Álibek Omarov qorǵaǵan bolatyn.
10 aqpanǵa deıin sozylatyn jarysta Álibek 33-64, al Arbı 65-96 orynǵa ǵana talasýda. Keshe Álibek tómengi kesteniń 4-týrynda reseılik Alekseı Ladanovty 5:2 esebimen utqanymen, 1/32 fınalda ýkraınalyq Dmıtrıı Belozorovqa dál osyndaı eseppen ese jiberdi. Al Arbı 1/32 fınalda reseılik Aleksandr Bannyıǵa 4:0 esebimen ese jibergenimen, tómengi kesteniń 3-týrynda onyń kelesi bir otandasy Vıktor Dýplınskııden 4:1esebimen basym tústi.
