Qazaqstandyq bılıardshy Álıhan Qaraneev mártebeli Kreml týrnırinde jeńimpaz atandy
ASTANA. Qazannyń 11-i. QazAqparat /Gúlnár Jandaǵulova/ - Qazaqstandyq bılıardshy Álıhan Qaraneev bılıard sportynan qazannyń 10-ynda Máskeýde aıaqtalǵan mártebeli halyqaralyq Kreml týrnırinde jeńimpaz atandy.
Álıhan Qaraneev Qazaqstan quramasynyń múshesi, halyqaralyq dárejedegi sport sheberi, 2008 jylǵy Álem jáne Azııa chempıonattarynyń jeńimpazy.
«Qazaqstannyń álemdik bılıard qaýymdastyǵyndaǵy bedelin asqaqtatyp otyrǵan bul jetistik qazaqstandyq sportshy úshin úlken tabys», - delingen Qazaqstannyń Bılıard sporty federatsııasynyń baspasóz habarlamasynda.
Baspasóz qyzmetiniń habarlaýynsha, jarysqa 9 elden 153 sportshy qatysty, olardyń arasynda álem jáne Eýropa chempıondary boldy.
