Qazaqstandyq bıatlonshylar Olımpıada aldyndaǵy sońǵy jattyǵýyn ótkizdi

PHENChHAN. QazAqparat - Ońtústik Koreıanyń Phenchhan qalasynda búgin qazaqstandyq bıatlonshylar Olımpıada aldyndaǵy sońǵy jattyǵýyn ótkizdi, dep habarlaıdy QazAqparat tilshisi.

Esterińizge sala keteıik, Olımpıada oıyndarynyń resmı bastalýyna bir kún ǵana qaldy. Búgin barlyq sportshylarymyz eń sońǵy jattyǵýlaryn jasap, erteń bastaý alatyn dodaǵa daıyndyqtaryn pysyqtady.

Olımpıadaǵa Qazaqstannan 49 sportshy 57 joldama jeńip alǵan bolatyn. Olar sporttyń 9 túrinen synǵa túsedi. Olımpıadada jalpy 15 sport túrinen 102 medal jıyntyǵy sarapqa salynady.