Qazaqstandyq bıatlonshylar Álem kýbogynyń tórtinshi kezeńinde óner kórsetedi
NUR-SULTAN. QazAqparat – Erteń, 9 qańtarda, Oberhofta (Germanııa) bıatlonnan Álem kýbogynyń tórtinshi kezeńi bastalady. Jarys jolyna birinshi bolyp qyzdar shyǵady, dep habarlaıdy «QazAqparat» HAA Olympic.kz saıtyna silteme jasap.
Olar 7,5 kılometrlik sprınt jarysyna shyǵady. Kelesi kúni erler arasyndaǵy báseke dál osyndaı baǵdarlama túrinde ótedi (sprınt, 10 km).
Álem kýbogyna qatysatyn Qazaqstan quramasynyń quramy mynadaı:
Áıelder quramasy: Galına Vıshnevskaıa, Elızaveta Belchenko, Anastasııa Kondrateva, Lıýdmıla Ahatova.
Erler quramasy: Roman Eremın, Vladıslav Vıtenko, Anton Pantov, Maksım Braýn.
Jarys 12 qańtarda aıaqtalady.
