Qazaqstandyq bıatlonshylar álem kýbogynyń segizinshi kezeńin sátsiz bastady
ASTANA. QazAqparat - Norvegııanyń Holmenkollen qalasynda bıatlonnan Álem kýbogynyń segizinshi kezeńi ótip jatyr, dep habarlaıdy QazAqparat.
QR UOK-niń baspasóz qyzmeti taratqan málimetterge súıensek, jarystyń alǵashqy kúni áıelder arasynda 7.5 shaqyrymdyq sprınt, al erler arasynda 10 shaqyrymdyq sprıntten saıystar ótip, otandastarymyz júldeli oryndarǵa qol jetkize alǵan joq.
Atalmysh dodada áıelder arasynda el namysyn qorǵaǵan Galına Vıshnevskaıa 31-shi, Darıa Klımına 61-shi, Alına Raıkova 69-shy, Elızaveta Belchenko bolsa 90-shy orynnan kórindi. Bul synda bas júldeni slovakııalyq Anastasııa Kýzmına jeńip aldy. Ekinshi oryndy belarýstik Darıa Domracheva ıelense, ýkraınalyq ıÝlııa Djıma úzdik úshtikti túıindedi.
Erler arasynda qazaqstandyqtardan eń úzdik nátıjeni Roman Eremın tirkedi. Ol 22-shi orynǵa qol jetkizse, Vladıslav Vıtenko 81-shi orynǵa, Vasılıı Podkorytov 98-shi orynǵa turaqtady, al Maksım Braýn 100-shi bolyp keldi.
Erler arasyndaǵy 10 shaqyrymdyq sprınt saıysynyń bas júldesin norvegııalyq Henrık L'Abe-Lýnd jeńip alsa, ekinshi oryndy onyń otandasy Iohannes Be ıelendi. Úzdik úshtikti frantsııalyq Marten Fýrkad qorytyndylady.
Endi, 17 naýryz kúni áıelder 4h6 shaqyrymdyq estafetalyq saıysynda synǵa tússe, erler 12.5 shaqyrym qashyqtyqta izge túsý saıysynan baq synasady. Al 18 naýryz kúni áıelder 10 shaqyrymda izge túsý saıysynan synǵa túsedi. Erler 4h7.5 shyqyrymdyq estafetamen álem kýbogynyń segizinshi kezeńin aıaqtaıdy.
Foto: olympic.kz
