Qazaqstandyq bıatlonshy Galına Vıshnevskaıa Olımpıadada 20-oryn aldy
ASTANA. QazAqparat - Qazaqstandyq bıatlonshy Galına Vıshnevskaıa 2018 jyly Olımpıada oıyndarynda alǵashqy jıyrmalyqqa ilikti. Semeı týmasy jarysty otyzynshy bolyp bastap, on pozıtsııaǵa kóterildi, dep habarlaıdy «SPORTINFORM» SAA.
Vıshnevskaıa iz kesý men mass-startty jaqsy meńgergen. Galına basqa sportshylardy basyp ozyp, atystan da jaqsy kórsetkishke jete alady. Qazaqstandyq bul joly da ózin kórsete bildi: barlyq oq atý shebinde minsiz óner kórsetip, márege jaqsy nátıjemen keldi.
Qazaqstannyń ekinshi ókili Darıa Klımına 57-shi orynǵa jaıǵasty. Ol segiz ret dál tıgize almaı, joǵary nátıjege qol jetkize almady.
Jarysta nemis Laýra Dalmaıer kósh bastady - bul onyń Phenchhan-2018-degi ekinshi «altyny». Ol birinshi altynyn sprıntte alǵan edi. Ekinshi orynǵa burynǵy reseılik, qazir Slovakııanyń namysyn qorǵap júrgen Anastasııa Kýzmına ıe boldy. Frantsııaǵa qolany Ano Beskon syılady.
Astana ýaqytymen 18:00-de erler arasynda pasıýt bastalady. Onda el namysyn Roman Eremın qorǵamaq.
