Qazaqstandyq bıatlonshy Eýropa chempıonatynyń qola júldegeri atandy
ASTANA. QazAqparat - Slovenııanyń Poklıýka qalasynda bıatlonnan jastar arasynda ótip jatqan Eýropa chempıonatynda qazaqstandyq Roman Eremın qola júldeger atandy.
QR Mádenıet jáne sport mınıstrligi Sport jáne dene shynyqtyrý isteri komıtetiniń baspasóz hatshysy Baqytbek Hamıttiń habarlaǵanyndaı, R.Eremın 15 km qashyqtyqtaǵy jekeleı synda nysana kózdeýden eki ret qatelik jiberip, jeńimpazdan 1 mınýt 40,6 sekýndqa qalyp qoıyp, márege úshinshi bolyp keldi.
Barlyǵy 48 sportshy qatysqan bul jarysta belorýs Vıktor Krıvko jeńimpaz atansa, ýkraınalyq Anton Dýdchenko kúmis medaldi ıelendi.
