Qazaqstandyq Beıbarys Sypataı parakanoedan Azııa chempıony atandy
ASTANA. QazAqparat - Parakanoedan Azııa chempıonatynda qazaqstandyq Beıbarys Sypataı 500 metr qashyqtyqty 2 mınýt 01,07 sekýndta eńserip, Azııa chempıony atandy, dep habarlaıdy QazAqparat.
«Ekinshi bolyp 2 mınýt 08,30 sekýnd ýaqytpen ózbekstandyq Ázızbek Abdýlhabıbov kelse, úndistandyq sportshy Kotııa Sandjıev 2 mınýt 12,55 sekýnd ýaqytpen úshinshi boldy.
Sportshylar KL2 sanatynda óner kórsetti.
Sondaı-aq jarysta qazaqstandyq Jalǵas Taıkenov (KL3) jáne Jańyl Baltabaev (VL3) 500 metr qashyqtyqta kúmis medal jeńip aldy», - dep habarlady múmkindigi shekteýli jandarǵa arnalǵan sporttyq daıarlaý ortalyǵynan.
Parakanoedan Azııa chempıonaty Samarqan qalasynda (Ózbekstan) 26-30 sáýir aralyǵynda ótýde. Jarysqa 8 memleketten 80-ge jýyq sportshy qatysyp jatyr.
