Qazaqstandyq bessaıys sheberleri álemdik týrnırge qatysyp, jeńilip qaldy
NUR-SULTAN. QazAqparat – Elimizdiń bessaıysshylary tuńǵysh ret ótkizilgen halyqaralyq onlaın týrnırde utylyp qaldy, dep habarlaıdy QazAqparat Ulttyq Olımpıadalyq komıtetiniń baspasóz qyzmetine silteme jasap.
Halyqaralyq qazirgi bessaıys federatsııasy (UIPM) lazerli tapanshadan atýdan álemdegi birinshi onlaın jarystyń irikteý synyn ótkizgen bolatyn. Baıraqty básekeniń alǵashqy aınalymynda 35 memleketten 256 sportshy baq synady. Negizi, fınaldyq kezeńge ótý úshin sportshylar tórt serııada jeńiske jetýi tıis. Al utylǵan atletter avtomatty túrde jarystan shyǵady.
«Ókinishke qaraı, qazaqstandyq atletter Pavel Ilıashenko men Elena Potapenko fınalǵa óte alǵan joq. Ilıashenko aýǵanstandyq Shaban Sýltanıden, Potapenko ulybrıtanııalyq Klementına Kýpreden jeńildi», delingen komıtettiń habarlamasynda.
Álemdik dodanyń fınaly 9 qyrkúıekke josparlanǵan.
