Qazaqstandyq bes mıllıarder Forbes-tyń tizimine endi
ASTANA. 5 naýryz. QazAqparat - Forbes jýrnaly álemniń eń dáýletti adamdarynyń qataryna bes qazaqstandyqty engizdi.
Bul týraly otandyq aqparattyq agenttikter habarlady.
«Qazaqmys» korporatsııasynyń perzıdenti jáne iri aktsıoner Vladımır Kım 2,3 mlrd. dollarymen 641-inshi orynǵa ornalasty, 670-inshi pozıtsııada 2,2 mlrd. dollarymen QR Prezıdentiniń burynǵy Іs basqarýshysy Bolat Ótemuratov tur. 2,1 mlrd. dáýleti bar kásipker Alıdjan Ibragımovqa 704-inshi oryn berildi. Al erli-zaıyptylar Dınara men Tımýr Qulybaevtar 1,3 mlrd. dollarmen 1107-inshi orynda ornalasýda.
Aıta keteıik, ótken jyly tizimge úsh qazaqstandyq endi, olar - Vladımır Kım, Alıdjan Ibragımov jáne Bolat Ótemuratov.
Forbes-tyń tizimi 2013 jyly jańadan 210 esimmen tolyǵyp, barlyǵy 1426 adamdy qamtydy. Álemniń eń baı adamdarynyń jalpy kapıtaly 5,4 trln. dollardy qurady, ótken jyly ol 4,6 trln. dollar boldy.
Álemniń eń baı adamy qaıtadan meksıkalyq telekommýnıkatsııalyq magnat Karlos Slım boldy, onyń dáýleti 73 mlrd. dollarǵa baǵalanýda.
