Qazaqstandyq bes ǵalym COVID-19-ǵa qarsy jasaǵan vaktsınany ózderine synap kórdi
Bıologııalyq qaýipsizdik problemalary ǵylymı-zertteý ınstıtýtynyń habarlaýynsha, Dúnıejúzilik densaýlyq saqtaý uıymynyń talabyna sáıkes, 2020 jyldyń 13 tamyzynda makak-rezýstan antıdeneniń keminde 7 log bolýy tıis sońǵy tıtrin anyqtaý josparlanyp otyr. Bul joǵary ımmýnogendik kórsetkish sanalady.
«2020 jyldyń 26 shildesinde vaktsınanyń 5 ázirleýshisi tiri vırýspen jumys isteý barysynda qaýipsizdikterin qamtamasyz etý úshin erikti túrde vaktsınany ózderine synady. Birneshe táýlik ótkennen keıin olardyń ózderin sezinýi jaqsy, dene qyzýy men allergııasy joq. Klınıkaǵa deıingi synaq 2020 jyldyń 20 tamyzynda aıaqtalyp, nátıjesi QR Densaýlyq saqtaý mınıstrligine beriledi», - dep habarlaıdy ınstıtýttan.
QR Densaýlyq saqtaý mınıstrliginen ruqsat alynǵannan keıin 2020 jyldyń 20 qyrkúıeginde Almaty qalasyndaǵy klınıkanyń bazasynda COVID-19-ǵa antıdenesi joq 44 eriktige klınıkalyq synaq (І faza) bastalýy tıis.
COVID-19-ǵa qarsy QazCovid-in vaktsınasyn ınstıtýttyń bas dırektory K.Zakarıa jáne ǵylymı qyzmetkerler: L.Qutymbetov, B.Haırýllın, M.Orynbaev, Q.Sultanqulov, E.Ábdiraıymov, S.Nurabaev ózderine synaǵan.
