Qazaqstandyq bes boksshy Bolgarııadaǵy týrnırdiń jartylaı fınalyna shyqty
ASTANA. QazAqparat - Qazaqstandyq bes boksshy Bolgarııa astanasy Sofııada ótip jatqan «Strandja» halyqaralyq týrnıriniń jartylaı fınalyna shyqty, dep habarlaıdy QazAqparat tilshisi.
Aıtýly dodaǵa Qazaqstan negizgi qurammen qatysýda.
Ulttyq olımpıada komıteti habarlaǵanyndaı, Qazaqstannyń bes dúrkin chempıony Temirtas Júsipov 49 kg salmaqta bolgarııalyq Ergıýnal Sabrıdi 5:0 esebimen aıqyn basymdylyqpen utyp, jartylaı fınalǵa joldama aldy.
Qazaqstandyq jas boksshy Sanatáli Tóltaev ta 64 kg salmaqta qytaılyq Shenze Kıdi 5:0 esebimen tize búktirdi.
Zákir Safıýllın 60 kelide tartysty básekede grýzııalyq Otar Eranosıandy jeńip, ol da jartylaı fınalǵa shyqty.
Sondaı-aq, Abylaıhan Júsipov (69 kg) reseılik Shahabas Mahmýdovty, Vasılıı Levıt (91 kg) amerıkalyq Djared Andersondy qapy qaldyrdy. Tek asa aýyr salmaqtaǵy Qamshybek Qońqabaev bolgarııalyq Petar Belberovke ese jiberdi.
Eske sala keteıik, budan buryn alty boksshymyzdyń Bolgarııadaǵy týrnırdiń shırek fınalyna shyqqanyn jazǵan bolatynbyz.
Al Qaırat Erálıev, Erik Áljanov, Bek Nurmaǵanbet jáne Ánýar Muzapparovtar jarys jolynan shyǵyp qaldy.
