Qazaqstandyq bes boksshy Azııanyń úzdigi atandy

«Azııalyq boks jankúıerleri 10 kún boıy áleýmettik jelide óz favorıtterin atady. Bıyl Úndistan, Qazaqstan, Ózbekstan, Japonııa sııaqty elderdiń «elektoraldyq» belsendiligin erekshe atap kórseter edik. Jańadan «Azııa boks konfederatsııasynyń prezıdentiniń tańdaýy» atalymyn engizdik. Oǵan Aýǵanstan boks federatsııasy laıyq dep tanyldy. Ekonomıkalyq jáne saıası ahýaldyń nashar bolýyna qaramastan, federatsııa Aýǵanstanda boksty damytýǵa kóp kúsh salyp jatyr. Muny Halyqaralyq áýesqoı boks qaýymdastyǵy (AIBA) vıtse-prezıdenti Serik Qonaqbaev ta atap ótti», - deıdi Konfederatsııanyń atqarýshy dırektory Baǵdáýlet Tórehanov.

Ol sondaı-aq bıyl Qazaqstannyń áıelder boksy qarqynmen damyǵanyn aıtty. «Bizdiń boksshy qyzdar barlyq salmaq sanaty boıynsha Azııanyń eń bıik tuǵyryna shyqty. Al erler arasynda «azııalyq» salmaqtar degen atpen tanymal 49 jáne 69 kg sanattaryna basymdyq berildi», - dedi atqarýshy dırektor.

2017 jylǵy «Azııanyń úzdikteri»:

1. Úzdik boksshy  Shahram Ǵııasov (Ózbekstan, 69 kg)

2.  Úzdik boksshy Mádına Nurshaeva (Qazaqstan, 64 kg)

3. Úzdik boksshy (jastar) - Sachın Sıvash Sıngh (Úndistan, 49 kg)

4. Úzdik boksshy (jastar) - Araılym Begdilda (Qazaqstan, 81 kg)

5. Úzdik boksshy (jasóspirimder) - Sora Tanaka (Japonııa, 66 kg)

6. Úzdik boksshy (jasóspirimder) - Jámıla Bolat (Qazaqstan, 66 kg)

7. Úzdik boksshy WSB - Aslanbek Shymbergenov (Qazaqstan, 69 kg)

8. Jyl jańalyǵy - Hýseın ál-Masrı (Sırııa, 49 kg)

9. Úzdik bapker - Hırokýnı Moto (Japonııa)

10. Úzdik sýpervaızer - Aslan Igibaev (Qazaqstan)

11. Úzdik halyqaralyq tehnık delegat (ITO) - Lennı  D'Gama (Úndistan)

12. Úzdik tóreshi - Nelka Shıromala (Shrı-Lanka)

13. Úzdik federatsııa - Ózbekstan boks federatsııasy

14. Azııa boks konfederatsııasy prezıdentiniń tańdaýy - Aýǵanstan boks federatsııasy.