Qazaqstandyq Berik Ábdirahmanov ARV saıysynda ekinshi urysynda jeńiske jetti
ASTANA. QazAqparat - Astanada 60 kelige deıin salmaq sanatynda ARV urystarynyń ekinshi týry ótti. Basty jekpe-jekte bokstan Qazaqstan ulttyq quramasynyń nómiri birinshi sportshysy Berik Ábdirahmanov osy salmaqta Azııa oıyndary-2014 fınalısi, fılıppındik Charlı Sýarezben saıysqa tústi.
«Bizdiń otandasymyz matchty salqynqandy jáne senimdi qımyldap, jaqsy ótkizdi, qarsylasyna álsin-áli soqqy berdi. Qorytyndysynda qazaqstandyq tóreshilerdiń jalpy sheshimimen 3:0 (58:56, 59:55, 58:56) esebimen jeńiske jetti», - dep habarlady Qazaqstannyń boks federatsııasy».
Pro-boksıngide eki ret jeńiske jetip, Berik Ábdirahmanov fınaldyq jekpe-jekke taǵy bir qadam jasady, oǵan qatysý Rıodaǵy Olımpıadada óner kórsetýge quqyq beredi.
Basqa urystardyń nátıjeleri:
Devıd Djoıs (Irlandııa) - Domenıko Valentıno (Italııa) - 3:0 (60:54, 60:54, 59:54).
Dmıtrıı Polıanskıı (Reseı) - Artýr Brıl (Germanııa) - 3:0 (60:54, 60:54, 60:54).
Hýrshıd Tojıbaev (Ózbekstan) - Robson Konsesaıo (Brazılııa) - 2:1 (58:56, 58:56, 56:58).
