Qazaqstandyq benzın reseıdikinen kem túspeıdi - QR energetıka mınıstri

ASTANA. QazAqparat - QR energetıka mınıstri Qanat Bozymbaev Qazaqstan benzıni sapa jaǵynan reseıdikinen kem túspeıtinin málimdedi, dep habarlaıdy QazAqparat tilshisi.

«Biz qazir eýro-5 standartynyń benzınin shyǵara bastadyq. Bizdiń benzın basqadan kem emes. Eger siz «deni saý» janarmaı beketinen benzın quısańyz, bizdiń benzın - jaqsy», - dedi Qanat Bozymbaev brıfıngte jýrnalısterdiń suraǵyna jaýap bere otyryp.

Ol eger qospa aralaspasa, Qazaqstan benzıni reseıdikinen kem túspeıtinin aıtty.

«Janarmaı quıý beketinde benzınniń sapasyn biz anyqtamaımyz, biraq jańǵyrtýdan keıingi bizdiń zaýyttardyń shyǵaryp otyrǵan benzıni óte sapaly», - dep málim etti mınıstr.

Foto: top.st