Qazaqstandyq belgili sportshylarǵa Astanadan páter berildi
ASTANA. QazAqparat - Qazaqstandyq belgili sportshylarǵa Astanadan páter kilti tabys etildi. Bul týraly Sporttyq jekpe-jek jáne sporttyń kúsh qoldanylatyn sport túrleri federatsııasynyń baspasóz qyzmetinen habarlady.
Astana qalasynyń ákimdigi Konfederatsııanyń qoldaýhatymen turǵyn úı qorynan tórt sportshyǵa jaldamaly turǵyn úı berdi. Jańa páter kiltin saltanatty jaǵdaıda Astana qalasy ákiminiń orynbasary Ermek Amanshaev tabystady. Qonys toıyn toılaýshylardyń ishinde Olımpıada oıyndarynyń jeńimpazy Gýzel Manıýrova, bokstan 2014 jylǵy Azııa Oıyndarynyń jeńimpazy Іlııas Súleımenov, Álem chempıonatynyń kúmis júldegeri Lázzat Kúngeıbaeva, Azııa Oıyndarynyń júldegeri, Azııanyń úsh dúrkin chempıony Tatıana Amanjol bar. Sondaı-aq, bul kúni Lázzat Kúngeıbaevaǵa «Qazaqstan Respýblıkasynyń eńbek sińirgen sport sheberi» ataǵy berildi. Kýálikti Konfederatsııa tóraǵasy Tımýr Qulybaev tabystady. Páter ıelengenderdiń biri Іlııas Súleımenov turǵyn úı jas otbasylarǵa baǵa jetpes syılyq bolǵanyn aıtty. «Ótken jyly ulym dúnıege kelgen. Bul sondyqtan, biz úshin erekshe oqıǵa. Endi óz úıimiz bar. Óte baqyttymyn. Astana qalasynyń ákimdigi men Konfederatsııaǵa alǵysym sheksiz», - dedi ol. Konfederatsııa tóraǵasy Tımýr Qulybaev Astan qalasynyń ákimi Á. Jaqsybekovke sportqa jan-jaqty qoldaý kórsetkeni, sportshylarǵa turǵyn úı bergeni úshin alǵys bildirdi, al sportshylarǵa tabys, jeńiske jete berýdi tiledi.
