Qazaqstandyq belgili modeler musylman kıimderiniń jańa toptamasyn shyǵardy
ASTANA. 4 naýryz. QazAqparat - Almatydaǵy «Kuralai» joǵary sán úıinde «Kuralai-Muslim» jelisi boıynsha jańa kıim úlgileriniń kórsetilimi ótti. «De Lux» sanatyna jatatyn jıyntyq - tanymal qazaqstandyq modeler Quralaı Nurqadilovanyń Gúlmıra Esimovamen birlesip shyǵarǵan týyndylary.
Jeli negizinen joǵary sapaly matadan tigilgen, órnektermen árlenip, Swarovski tastarymen jáne strazalarmen kómkerilgen buıymdardan turady. Jıyntyq avtory Quralaı Nurqadilovaniń aıtýynsha, usynylǵan kıim-keshekter asa erekshe saltanatty jaǵdaılarǵa arnalǵan, olardyń baǵasy 20 men 150 myń teńge arasynda turady.
«Sońǵy kezderi Qazaqstanda musylman kıimderine degen suranys kóbeıdi. Qyz-kelinshekter, ata-babalarymyzdyń dástúrine saı bolmasa da, qatań musylman zańdylyqtaryna sáıkes kıingendi jón sanaýda. Men, dızaıner retinde, názik jandy áıel zatyna musylman kıimderiniń arab álemi elderinde qalypqa aınalǵan birbetkeı úlgisinen bólek, ózindik nusqasyn usynǵym keldi», - deıdi Q.Nurqadilova.
Dızaınerdiń aıtýyna qaraǵanda, «Kuralai-Muslim» jelisi qatań musylman zańdylyqtary men qazaq ulttyq kıimderiniń qanyq tústerin qosa biriktiredi.
