Qazaqstandyq belgili fýtbolshy «Qaıratty» jattyqtyratyn boldy
ASTANA. QazAqparat - Táýelsiz Qazaqstannyń úzdik fýtbolshylarynyń biri, ulttyq quramanyń burynǵy jartylaı qorǵaýshysy Andreı Karpovıch Almatynyń «Qaırat» komandasy bas bapkeriniń mindetin atqarýshy bolyp taǵaıyndaldy, dep habarlaıdy «SPORTINFORM» SAA tilshisi.
Klýb basshylyǵy men komandanyń bas bapkeri Karlom Alos Fererdiń sheshimimen Qazaqstan Kýbogynyń 1/8 fınaly aıasyndaǵy «Oqjetpeske» qarsy oıynǵa komandany Andreı Karpovıch jattyqtyratyn boldy.
Karpovıch klýbqa bas bapkerdiń kómekshisi retinde 2017 jyly, grýzııalyq maman Kahaber Tshadadzeniń tusynda kelgen. Oıynshy retindegi karerasyn Semeıde bastaǵan, 1998 jyly Qazaqstan chempıony boldy. Sońǵy ýaqytta «Qaırattyń» shabýyl shebin ózi jattyqtyryp júr.
Qazaqstan Kýbogynyń 1/8 fınaly aıasyndaǵy «Oqjetpes» - «Qaırat» kezdesýi búgin 14:00-de bolady.
