Qazaqstandyq baıkerler «Road Freedom Fest» festıvalinde bas qosty

KÓKShETAÝ. QazAqparat - Aqmola oblysynda baıkerlerdiń «Road Freedom Fest» festıvali ótti. Bul joly Astananyń 20 jyldyǵyn toılaý sheńberinde baıkerler Zerendi aýdanynyń Elikti taý shańǵysy bazasynda bas qosty, dep habarlaıdy QazAqparat tilshisi oblystyq ishki saıasat basqarmasyna silteme jasap.

Baıkerlerdiń aıtýynsha, baıkerler qozǵalysy - bul eń áýeli tutastaı erkindik sezimi. Mýzyka men mototsıkl merekesin uıymdastyrýǵa oblystyq týrızm basqarmasy, sondaı-aq, Elikti taý shańǵy bazasynyń ákimshiligi men «Road Brazers» baıkerler klýby uıytqy bolǵan. Baıqaýdaǵy bir erekshelik munda eń shýly qozǵaltqyshy bar moto tehnıkalar ózara synǵa tústi.

Motoklýbtyń alǵa qoıǵan maqsaty týrısterdi barynsha kóptep tartý arqyly óńirdiń týrıstik áleýetin arttyrý. Elikti saıabaǵynda ótken merekege baıkerler otbasy, ózderiniń et jaqyn jora - joldastarymen kelipti. Moto sherý Elikti taý shańǵysy bazasynan bastaý alyp, Şýche qalasy, Býrabaı kenti jáne Kókshetaý qalasynda jalǵasty. Keıin baıkerlerdiń barlyǵy Eliktige qaıta oraldy.

«Festıvalda Kókshetaý jáne Atbasar qalalarynan kelgen «Djaraıd» jáne «Perıferııa», sondaı-aq, Astana, Qaraǵandy jáne Pavlodar qalalarynan arnaıy shaqyrtylǵan «Djem», «Salerıka» jáne «Kýrs &» rok toptary óz ónerlerin ortaǵa saldy. Ásirese, SYNHEZ jáne CRAMP sııaqty dı-djeıler jınalǵandardyń kóńilin kóterdi», dedi uıymdastyrýshylar.
Bul moto klýbtyń Elikti taý shańǵy bazasynda osymen ekinshi ret uıymdastyryp otyrǵan baıqaýy. Alaıda atalǵan taý shańǵy kesheniniń ákimshiligi men «Road Brazers» moto klýby sondaı-aq, oblystyq týrızm basqarmasy bul sharalardy keler jyly da ótkizýdi josparlap otyr.