Qazaqstandyq baıker D.Petrýhın Tashkentte áriptesterimen VІІ qysqy Azııa oıyndary týraly áńgime ótkizdi
TAShKENT. 2 jeltoqsan. QazAqparat /Qurmat Samarhan/ - Keshe Ózbekstannyń Ulttyq olımpıada komıtetinde Qazaqstannyń tanymal baıkeri Dmıtrıı Petrýhınmen kezdesý ótti, dep habarlaıdy ózbek BAQ-tary.
Ózbekstandyq BAQ ókilderi habarlap otyrǵandaı, 2007 jyldan beri D.Petrýhın men Qazaqstannyń kıno túsirý toby Astana men Almaty qalalarynda 2011 jyly ótkiziletin VІІ qysqy Azııa oıyndaryn nasıhattaý maqsatynda Azııa men Taıaý Shyǵys elderin aralap júr. Bul mıssııanyń bólinbes bóligi - Azııa qurlyǵynyń Ulttyq olımpıada komıtetteri prezıdentteriniń Azııa Olımpıada Keńesiniń jalaýyna qol qoıý rásimi ótkizildi. Sońǵy eki jylda qazaqstandyq delegatsııa Azııa men Taıaý Shyǵystyń kóptegen elderinde bolyp, Ulttyq olımpıadalyq komıtetteriniń ókilderimen kezdesýler ótkizdi.
Atap ótý kerek, Dmıtrıı Petrýhın shyndyǵynda aty ańyzǵa aınalǵan adam. Ol 120 myń shaqyrymdy eńserý arqyly jalǵyz ózi Qazaqstan týyn álemniń 77 eli arqyly alyp ótti. Osyndaı eńbegi úshin ol «Dostyq» ordenimen marapattalǵan.
