Qazaqstandyq baıqaýshylar: Memlekettik Dýmaǵa saılaý joǵary deńgeıde ótti
MÁSKEÝ. QazAqparat - RF Memlekettik dýmasyna saılaýdyń qalaı ótkendigin qazaqstandyq jýrnalısterge QR Parlamenti Májilisiniń depýtaty, TMD Parlamentaralyq assambleıasy baıqaýshylary mıssııasynyń ókili Baqtyqoja Іzmuhambetov aıtyp berdi.
«Búgin birqatar saılaý ýchaskesinde boldyq. Saılaý úderisi joǵary deńgeıde uıymdastyrylǵan jáne halyqaralyq quqyq normalaryna saı ótip jatyr. Zańbuzýshylyqtar tirkelmedi. Saılaýshylardyń kóńil-kúıleri jaqsy», - dep atap ótti 18 qyrkúıek kúni B.Іzmuhambetov.
Eske sala keteıik, keshe RF Memlekettik Dýmasyna aralas júıe boıynsha saılaý ótti. Oǵan 14 partııa qatysty. Partııalyq tizim boıynsha 225 depýtat jáne bir mandattyq okrýgter boıynsha osynshama depýtat saılanady.
