Qazaqstandyq «Baýyr» fılmi halyqaralyq kınofestıvalde bas júldege talaspaq
ASTANA. QazAqparat - Qazaqstandyq rejısser Serik Apyrymov tyń tól týyndysy «Baýyr» fılmi AQSh-ta halyqaralyq kınofestıvaldiń konkýrstyq baǵdarlamasyna qatysady, dep habarlaıdy «Qazaqfılmniń» resmı saıtynda.
«Eastern Bloc Features» festıvali (Shyǵys Eýropa elderi rejısserleriniń fılmderi) 30 qańtarda Santa-Barbarada bastaldy, ol 9 aqpanǵa deıin jalǵasady.
«Baýyr» fılminiń álemdik premerasy 70-shi venetsııalyq Halyqaralyq kınofestıvali aıasynda ótti. Іzinshe kartına «Eýrazııa» IX halyqaralyq kınofestıvaliniń negizgi konkýrstyq baǵdarlamasynda kórsetilip, birden úzdik rejıssýra marapatyn jáne NETPAK júldesin ıelendi. Ótken jylǵy kúzde fılm Avstrııada ótken Viennale halyqaralyq kınofestıvaline qatysqan.
«Eastern Bloc Features» halyqaralyq deńgeıdegi óner básekesinde Serik Apyrymovtyń kartınasymen bas júlde úshin rejısser Mıroslav Mandıchtiń (Slovenııa, Horvatııa)«Adrııa blıýz»; Vıktor Taýstyń (Slovakııa, Lıýksembýrg, Chehııa, Fınlıandııa) «Saıqymazaqtar»; Ignas Ionınastyń (Lıtva, Latvııa) «Oıynshy»; Týdor Krıstıan Jýrgıýdiń (Rýmynııa) «ıAjapon ıti»; ıAtsek Bromskııdiń (Polsha) «Aıǵa bılet» jáne rejısser Elıs Nellıstiń (Chehııa) «Jańarý» fılmderi talasqa túsedi.
Santa-Barbarada halyqaralyq kınofestıal 1985 jyldan beri ótkizilip keledi.
