Qazaqstandyq «Baýyr» fılmi AQSh-ta ótken kınofestıvalde úzdik týyndy atandy
ASTANA. QazAqparat - Qazaqstandyq rejısser Serik Apyrymovtyń týyndysy «Baýyr» fılmi AQSh-tyń Kalıfornııa shtatynda ótken 2-shy Halyqaralyq kınofestıvalde «Shyǵys Eýropa elderiniń eń úzdik fılmi» atandy, dep habarlanǵan «Qazaqfılmniń» resmı saıtynda.
Rejısser Serik Apyrymov soltústikamerıkandyqtarǵa tól shyǵarmasyn ózi usynyp, Fess Parker - A Doubletree by Hilton Resort bolǵan saltanatty marapattaý rásimine qatysty.
30 qańtar men 9 aqpan aralyǵynda ótken bul festıvalde qazaq rejısseriniń kartınasymen júlde úshin Mıroslav Mandıchtiń (Slovenııa, Horvatııa)«Adrııa blıýz»; Vıktor Taýstyń (Slovakııa, Lıýksembýrg, Chehııa, Fınlıandııa) «Saıqymazaqtar»; Ignas Ionınastyń (Lıtva, Latvııa) «Oıynshy»; Týdor Krıstıan Jýrgıýdiń (Rýmynııa) «ıAjapon ıti»; ıAtsek Bromskııdiń (Polsha) «Aıǵa bılet» jáne Elıs Nellıstiń (Chehııa) «Jańarý» fılmderi talasqa túsken edi.
Halyqaralyq deńgeıdegi óner básekesinde ádilqazylar alqasynyń quramynda atalmysh sharanyń negizin qalaýshy Fıllıs de Pıchchıotto, rejısser Mımı deGrýı, avtor Telma Adams, aktrısa Arnett Djens Zerbe, akter Entonı Zerbe, montajer Artýr Shmıdt, akter Alan Tık, prodıýser Ted Hoýp, kompozıtor Adam Gýttel pen aktrısa Frensıs Fısher boldy.
«Baýyr» fılminiń álemdik premerasy 70-shi Venetsııadaǵy Halyqaralyq kınofestıval aıasynda ótti. Іzinshe kartına «Eýrazııa» IX halyqaralyq kınofestıvaliniń negizgi konkýrstyq baǵdarlamasynda kórsetilip, birden úzdik rejıssýra marapatyn jáne NETPAK júldesin ıelendi. Ótken jylǵy kúzde fılm Avstrııada ótken Viennale halyqaralyq kınofestıvaline qatysqan.
Santa-Barbarada halyqaralyq kınofestıval 1985 jyldan beri ótkizilip keledi.
