QAZAQSTANDYQ BATYRLAR: Sadyq Jaqsyǵulov

ASTANA. QazAqparat - Sadyq Shákeluly Jaqsyǵulov 1924 jyly qazirgi Batys Qazaqstan oblysy Jańaqala aýdanynda dúnıege kelip, 2009 jyly 85 jasqa aıaq basqan shaǵynda ómirden ozdy. Soǵys jáne eńbek ardageri, Keńes Odaǵynyń Batyry (22.02.1944).

1941 jylǵa deıin maı zaýytynda jumys istegen. 18 jasynda maıdanǵa suranyp, Kýrsk ıinindegi surapyl shaıqasqa qatysady. Dnepr ózenin alǵashqylar sapynda ótip, jaý tehnıkasy men adam kúshterin shyǵynǵa ushyratyp, qarýlastarynyń ózennen ótýin qamtamasyz etkeni úshin mınomet raschetynyń serjanty Jaqsyǵulovqa Batyr ataǵy berilgen. Ómiriniń sońǵy jyldarynda aýdandyq ardagerler keńesiniń tóraǵasy bolyp qyzmet atqardy. Tasqala aýdanynyń Qurmetti azamaty ataǵyn alǵan.

2010 jyly batyr esimi berilgen «Sadyq Jaqsyǵulov» atty ocherk kitaby jaryq kórdi. Kitaptyń avtory - jýrnalıst, aqyn, Qazaqstan Jazýshylar odaǵynyń múshesi Aıtqalı Nárikov.