QAZAQSTANDYQ BATYRLAR: Ivan Mordasov

ORAL. QazAqparat - Keńes Odaǵynyń Batyry Ivan Andreevıch Mordasov 1923 jyly Batys Qazaqstan oblysy burynǵy Prıýral (qazir Zelenov) aýdany Rojkov aýylynda dúnıege kelgen.

I.M o r d a s o v jaıaý áskerler ýchılışesin bitirgennen keıin 1942 jyldyń tamyzynan bastap maıdandaǵy armııa qatarynda boldy. Batyr jaýynger Ivan Mordasov 1943 jyly 16 qazanda Dnepr ózeninen ótý kezindegi shaıqasta erlikpen qaza tapty. Áskerı tapsyrmany oryndaý kezindegi kórsetken batyrlyǵy úshin I.Mordasovqa qaıtys bolǵannan keıin 1943 jyly 30 qazanda Keńes Odaǵynyń Batyry ataǵy berildi. Gomel oblysy Loevsk aýdany Kolpen derevnıasynda jerlengen. Lenın ordenimen, medaldarmen marapattalǵan. Batyrdyń týǵan jeri Rojkov aýylynda músini ornatylǵan, onyń esimi aýyl mektebine berilgen.